اتكلم روسي بثقة وصح — من أول يوم، حتى لو لسه في الأول

مستر مصطفي بعدين عن انوا شاطر جدا في اللغه الروسيه فا هو اخ لينا كلناا و مبيخليش في فرق بينوا و بين اي حد بجد، بسببوا حبينا اللغه الروسيه، اتعلمناا كتير جدا من خبرتوا في اللغه الروسيه و وصلت معاه لمستوي عمري ما كنت اتخيل اني ممكن اوصلوا في اللغه الروسيه، ربنا يبارك فيك و يحفظك مستر مصطفي و من نجاح لنجاح ديما ♥️♥️

عايز اقولك ماشاء الله عليك يا دكتور، خلال شهر بس قدرت اقرا واكتب روسي ودا بالنسبالي كان كويس جدا بالنسبه لشخص ميعرفش اي شيء عن اللغه الروسيه. ف الاول أنا كنت خايف بسبب أن الكورس online، بس حضرتك بتدي كل واحد مساحته ف أنه يقول ويقرأ ويغلط مره واتنين وتلاته وانت تصلحله.

مستر مصطفي ♥️ صديقي واستاذي، بجد كنت مستمتع بكل محاضرة خدتها معاك في كورس تأسيس روسي، والحمد لله انا حالياً بعرف اقرأ كويس واتكلم في مجالي الي حد ما كويس بفضل ربنا ثم انت، ربنا يوفقك ياصديقي ♥️♥️♥️

لسه مخلص المحاضره اللي فاتت وبسمع الريكوردز كلها، الصراحه احسن خطوه خدتها عشان اظبط اللغه عندي و القراءه ظبطت معايا خالص. انا اللي متشكر ليك جدا، مع اني محضرتش من الاول لو كنت حضرت من الاول كنت استفدت اكتر جدا، بس من المستويات الجايه انا هبقا موجود من الاول وانا متفائل جدا اني هكون متقن للروسي مع حضرتك. اكتر حاجه عجبتني في الكورس الاريحيه ف التعامل والاتقان اللغوي اللي عند حضرتك في اللغه زي الناس الناتيڤ. الكورس ساعدني اكيد كتير اني انطق صح، اقرا بسرعه، اتحسن في الترجمه، اتعلم ازاي اكتب واسمع روسي من حد روسي كانه واحد عربي زي، و انا بالفعل رشحت الكورس لزمايلي.

سياسة الكورس عن طريق الاهتمام اولا بنطق الكلام او الجمل الروسيه بغض النظر عن القواعد اللي اغلب الناس بتبدأ بيها، سياسة مختلفة و فعالة جدا. استماع كتير من ريكوردات لأشخاص روس حقيقين. المدرب فاهم و شاطر و متقن لشغله و بيراعي ربنا، و بيخليك تقرا قطع و تسمع ريكوردات كتيير. بكل قوة طبعا ارشحه و مكملين levels اللي بعد كده ان شاء الله ♥️♥️♥️

اكتر حاجه عجبتني في الكورس التفاعل وحرص حضرتك أن كل واحد ياخد فرصته كامله في التفاعل. الكورس طبعا ساعدني لإن دي أول مرة أدرس اللغه الروسية فا الحمد لله أنا حاليا بقدر أقرأ الروسي وبتحسن فيه يوم عن يوم. أكتر حاجه مميزه أن حضرتك بتوجهني إزاي اتعلم مش محتوى وخلاص، وبتعلمنا ازاي نعتمد على نفسنا في تحسين الروسي ودي حاجه كويسه جدا ربنا يجازيك خير عليها. أنا فعلا رشحت الكورس لزميل ليا.

تسلم يا مصطفي السيشن كانت حلوه و مش مممله خالص، والمحاضرة جميلة كالعادة. والله حابب اشكرك، انا من شهر بالظبط مكنتش اقدر اعرف اقرا جمله ع بعضها، دلوقتي بالتدريب اللي بتعمله بعرف اقرأ قطعة و دي حاجه خلتني احس ان فيه تحسن ♥️ اكتر حاجه عجبتني الاسلوب المبسط في الشرح بدون تعقيد و ان فيه سيستم لكل سيشن. الكورس ساعدني اني اقدر اقرأ كلمات و جمل بعد ما مكنتش بعرف اقرأ، و اعرف اقول الكلام صح لأني كنت بنطق غلط، و دي حاجه محسوسة بالنسبة لي بسبب اني عايش هنا. و طبعا المشاركة و التدريبات شئ رائع و بيخليني اذاكر اللغه بدون ورقة و قلم و بعيدا عن الطريقة الاكاديميه اللي بشوفها في معظم الاماكن.

اكتر حاجة عجباني هي متابعة حضرتك معانا وتفاهمك بجهلنا في اللغه وانك بتساعدنا أن احنا نكون كويسين في اللغه. اسباب كتير منها ان الكورس رجعلي الامل اني اتعلم اللغه وارجع ازاكرها من جديد. اكتر حاجة مميزة في الكورس هي المناقشه والقرأة وطريقة الشرح كويسه جدا والعدد القليل في الجروب. واكيد ارشح لكل زمايلي اللي محتاجين يتعلموا اللغه الروسيه للسفر أو الدراسه او الشغل، يرقوا من أنفسهم باللغات.

الطريقه اللي بتعمل بيها بجد سهله وبسيطه وبتسهل عليا اللغه بجد. واكتر حاجه انك بتقف معانا ف كل حاجه ولما بغلط انت مش بتسبني غير لما انطقها صح، حتي لو قولتها 100 مره معندكش مشكله. والحاجات اللي بتخلينا نسمعها كويسه جدا. بص هو بجد الكورس كله مميزات، وبجد من احسن الناس اللي انا اتعاملت معاها ف الروسي.

بصراحة اكتر حاجة عجبتني الماتريال وطريقة الشرح المبسطة ده اولاً. ثانياً ساعدني جداً في القراءة والتفرقة بين حاجات يامه كنت بتلغبط فيها. ثالثاً المميز في الكورس انكم بتصبروا علينا كتير وبتحاولوا تعيدوا كل مرة وتراجعوا علشان يفضل في استمرارية وثبات للمعلومة، وكمان اننا كلنا بنقرأ وبنسمع من بعض كذا مرة. واكيد ارشحه لي زمايلي كلهم لاني واثق انهم هيستفادوا.

عجبني جداً في الكورس اصرارك يا مصطفي انت وإسلام انكم تعلمونا وتوصلنا للمعلومة مهما خد وقت. و الكورس مفيد جدا للمبتدئين، خلاني من شخص يدوبك عارف الحروف لأني بعرف اقرا جمل وقطع قصيرة، + كثرة التدريب علي النطق بعد شرح القاعدة اللغوية علطول. اكيد لو حد حابب يتعلم روسي اعتقد ان الكورس خط بداية ممتاز له.

الكورس حقيقي ممتاز جدا خلاني اتكلم وافكر بالروسي ودي اكتر حاجه انا كنت محتاجاها، الماتريال اللي بنذاكر منها كويسه جدا وشامله كل حاجه. لاول مره الاقي كورس للغه الروسيه مفيد بالشكل ده، بقا عندي جرأه اتكلم من غير اي خوف وبقيت بحب اصلا اتكلم بالروسي، ومتابعتك لينا اول بأول دي برضو من الحاجات الكويسه جدا، وارشح الكورس لاي حد عايز يتكلم روسي فعلا ❤️

شكرا جزيلا يا مصطفى علي مجهودك معانا، الصراحة الكورس كان مفيد جدا وممتع في نفس الوقت. التحدث في مجموعات كل محاضرة كان اجمل حاجه بالنسبة ليا وتصحيحك للأخطاء كان مفيد جدا، غير ربط المذاكرة بالإستماع للبودكاست والفرجة علي المسلسلات خلي الموضوع مش ممل خالص. فشكرا جدا بجد علي الكورس الجامد ده واتمني لك التوفيق في الجاي يا رب.

شخصيا استفدت منه جدا لأني خريج من فترة بعيدة وتقريبا شبه نسيت اللغة، ولكن بفضل الله الكورس فرق معايا جدا جدا لأنه كان ماشي Step by step ف فرق معايا في التحدث والاستماع. وعشان اكون صادق أنا موصلتش للاحتراف يعني، لأن دي خطوة عايزة مجهود جبار، ولكن حط رجلي ع الطريق، فانا بشكرك يا مستر مصطفي بشكل شخصي علي اجتهادك وأمانتك وحبك للشغل وتأدية الرسالة، وان شاء الله مكملين لحد ما نوصل لأعلي المستويات.

الكورس بالنسبالي كان ممتاز و كان فيه اللي انا محتاجاه و هو اني اتكلم و أفكر بالروسي، وانت ساعدتنا في ده جدا خصوصا لما كنت بتسألنا اسئلة ايه رايك و تفضل ورانا لحد ما نقول اجابة طويله مش مجرد да/нет، وكمان فكرة اننا كنا بنتناقش و نجاوب على بعض سوا كجروب بالروسي وكل واحد يقول رأيه دي ساعدتنا كلنا ف اننا نشغل تفكيرنا بالروسي. وكمان كان حلو ان المحاضرة كان أغلبها روسي مفيش كلام عربي كتير، اكتسبنا تركيبات و كلمات كتير جديدة سوا.

والله يا مصطفي بأمانة الكورس ده بالاربع سنين بتوعي في الكليه، وفي خلال شهر واحد مستوايا بقى في حته تانية حرفياً. كل جزء فيه فدني، اما كنا نتفرج علي حلقة من مسلسل ونيجي نحكي الحلقة من دماغنا ساعدني كتير اوي اني اتكلم بسرعه من غير ما افكر. واهم حاجه كانت مناقشه مشروع التخرج وجزء البودكاست. مع ان حضرت معاك مستوى واحد بس انت عارف مستوايا اتنقل ازاي من اني مش بعرف اقول جملتين علي بعض ل اني اقعد اتكلم واحكي احداث من غير ما افكر، حقيقي ده أحسن كورس خدته واستفدت منه 💖 شكراً بجد وربنا يوفقك 💖💖

الكورس حلو جدا، احسن حاجه انه بيساعدنا ان احنا نرتجل والحوار ده فرق معايا جامد لما كنت في الكورس، وفكرة برده ان احنا بنشوف مسلسلات دي فرقت معانا في الاكسنت وان احنا نسمع كتير، فالحوار بجد لطيف اوي 🩷

رأيي الشخصي عن كورس مصطفي: الكورس فيه كل العناصر المهمة عشان اي حد يكتسب لغة بطريقة صح وفي وقت قياسي لو هو من نفسه willing to learn وعنده الـ mindset الصح. من اول الماتريال والمصادر المختلفة لحد طرق التطبيق الممتعة واللي تشجعك تكمل وماتحسش انك بتذاكر، بالعكس انك بتلعب وبتستمتع بالتعلم وسط زمايلك. نصيحتي لاي حد محتاج يحسن لغته reading, writing, conversation انه go ahead ويبدأ من دلوقتي مع مصطفي، وتعال اشكرني بعدها 😌

الكورس مفيد جدا بالنسبالي من الناحية العلمية و العملية. من حيث الناحية العلمية فاحنا بندرس مصطلحات و تراكيب جديدة مستخدمة باكتر من طريقة، و الاهم من الناحية العملية لأن الكورس معتمد بشكل كبير جدا على الممارسة و المحاكاة عن طريق المسلسلات أو البودكاست و التحليل، فبيساعد جدا في كسر حاجز الكلام عندنا، و بوجود مصطفى بيصلحلنا الغلطات اللي ممكن نعملها بيخلينا نتكلم بحرية بدون خوف.

بصراحة حلو اوي بجد مكنتش متوقعه هبقى متحمسه كده اني اتعلم روسي، واسلوب العرض كويس اوي وبيشجع ع الشغل خصوصاً انه متاح لينا نغلط ونتعلم براحتنا، وان شاء الله متفائله خير ع ايدك.

والله أنا شايفة الكورس كويس جداً، و المستوى الأول ده حسيته شامل موضوعات الحياة عامة و تقسيمة المحاضرات كويسة برده، مليانة أفعال جديدة وجمل وتعبيرات ينفع نستخدمها في أكتر من موضوع.

بصراحة الكورس كويس جدا من كذا ناحية، الاهم بالنسبالي انك مش جاي تذاكر روسي زي الكلية، لا انت جاي تمارس اللغة دي وتكتسبها. بنمسك موضوع او فكره كل محاضرة وبنتناقش فيها جوا المحاضرة، ويتطلب منك برزنتيشن عن الموضوع ده بعد المحاضرة، وكمان بتسمع بودكاست ومسلسل وده بيقوي مهارة الاستماع جدا. وبس الكورس جميل بصراحة.

مش عارفه اقولك الكورس مفيد قد ايه بجد، اول مره اكون هحضر سيشن روسي ومحسش ايه الملل ده، وفكره اننا بجد بنحاول نتكلم من اول يوم مش بنحفظ وخلاص دي حلوه جدا. ماشاء الله بتوصل المعلومه بطريقه بسيطه ومش معقده خالص ❤️

لاول مرة في دراستي للغة الروسيه الاقي كورس كويس ومفيد للغة فعلا، مش بس الجرامر ولا الصوتيات، الكلام والثقة في الكلام كمان اتعلمتهم، ومواضيع كتيرة بقى عندي خبرة والجرأة اني اتكلم فيها من غير خوف من اللخبطة. ومش مجرد كلام فعلا استفدت جدا منك، وفعلا مفيش حد طول سنين دراستي عرفته وفادني في اللغة في المدة القليله دي زيك.

هاي يا مصطفي، حابه اديك فيدباك سريع كده عن الكورس. بجد انا خدت كورسات في كذا مكان ومع روس كمان بس محستش بستفادة وتحسن زي لما اخدت معاك واتعلمت حاجات كتير، بجد كل سيشن بنطلع منها بحاجات جديدة كتير 🥰 Keep up the great work

بالنسبة لي الكورس تميزه الرئيسي وتكمن أهميته في أنه بيعرفك وبيفتح مخك على أساليب وطرق تسهل عليك باقي المشوار في مسيرتك اثناء تعلم اللغة، ومع مرور الوقت فعلا بتحس بالتطور والتقدم والثقة في النفس. كورس ممتاز مع شخص حقيقي سلس وجميل ♥️

نظام الكورس والمحتوى اللي حضرتك عامله عظيم والله، بالذات البي دي اف اللي حضرتك بتبعتهم. و الماتريال متعوب عليها وفي افكار وكلمات حلوة فعلا، والشرح حضرتك متعاون معانا وبيساعد انك تتعود ع الكلام وتاخد ثقة انك تتكلم بالروسي.

الكورس حقيقي كان مفيد جدا خاصه واحنا بنحاول نتكلم، أنا حرفيا كنت بطلق العنان للساني وبلاقي كلام مش دايما ببقي جاهز، بس الكلمات والمواضيع كانت مفيدة وبيشيل حتة رهبة الكلام حتى لو في أخطاء، والموضوع بيبقي روتين ومفيد بجد ♥️

الكورس كويس جدا من ناحية التفاعل، اللي هو مش مادة أكاديمية وخلاص بيعالج فكرة الملل، بيخليك تمارس عن طريق محادثات ومسلسلات وديه حاجه تحفه الحقيقة. تسلم ايدك ياصديقي ❤️

اكيد طبعا بصراحة كان لذيذ جدا وكله كلمات جديدة، وفكره ان انت مجمع كل حاجة بتخص موضوع واحد دي سوا كانت حلوه اوي، وفعلا فرق معايا كتير جدا، الحاجات اللي انت طلبت نلخصها كتير في اني بقيت محتكه باللغه اكتر و بفهم اسرع.

عجبني فالكورس المتابعة الدورية والطريق المناسب اللي هيتفصلك عشان تطور اللغة. ومن ناحية التعامل مع الـ native speakers ساعدني فيه الكورس ان التواصل معاهم يبقي سهل. اكيد لو حد محتاج يكون عنده ثقة اكبر فاللغة ويبدا يتكلم بروجرام الكورس هيكون البيئة المناسبة لدا. شكرا ليك واتمني يستفاد اكبر عدد من الناس وتنفع الناس بعلمك ❤️

اكتر حاجه عجبتني انك بتخلينا نتكلم ونحاول نعبر حتي او مش عارفين، وبتبذل جهد فعلا معانا في المحتوي مش تأدية واجب. بالكلام خلال المحاضره بقيت بعرف اتكلم واعبر اكتر، المشاركه هي اكتر حاجة مميزة في الكورس. واه طبعا ارشحله لأي حد.

اولا احب اشكر حضرتك على تعبك معانا بجد ربنا يبارك في حضرتك. اكتر حاجة عجبتني في الكورس أن حضرتك بتدي لكل واحد مساحة أنه يتكلم براحته وبتبقى حريص انك بتسمعنا للاخر. الكورس ساعدني اني بقيت احب اذاكر اللغه ومش حاسه انها ضغط، وبقيت بحب اسمع كتير بالروسي مقارنة بقبل كده. اكتر حاجة مميزة بجد التركيز على الاستماع اوي والمناقشة في كل حاجة بالروسي بتساعدني اني اتكلم واكسر الخوف من الكلام. واكيد ارشح، هيفرق اوي بجد.

كل حاجة كانت perfect ماشاء الله بجد، بس أكتر حاجة ان حضرتك كنت مستحملنا ومستحمل مستوانا وبجد كنت صبور جدا جدا. الكورس ساعدني جدا، كنت بقف كتير في كلمات ومبعرفش اكمل الجملة، دلوقتي بقيت قادرة اظبط الجملة والكلمات. أكتر حاجة فادتني ان حضرتك كنت مُصر نتكلم وننطق حتى لو غلط، والـ listening كمان فادني جدا. اه طبعا ارشحه جدا، وهكمل باقي الـ levels ان شاء الله.

الكورس طبعا فرق معايا كتير وخصوصا اني بقيت اقدر اتكلم من غير ما اخاف اغلط، وكمان الـ listening عندي بقي احسن كتير من الاول وان شاء الله هيتحسن اكتر في الـ level الجاي، وطبعا ارشح الكورس لاي حد عاوز ينمي المحادثات عنده.

شكرا ليك انت والله يادوك. المتاريل بتاع حضرتك جميل جدا كان لامم كل حاجة تخص الموضوع اللي بنتكلم فيه. وساعدني في موضوع الثقه في الكلام بذات قدام الناس. والمتابعة بتاعة حضرتك معانا حتى لو في موضوع ميخصش السيشن لكن في اللغة عموما.

ايوه انا استفدت كتير و ساعدني في الـ listening اكتر و اننا بنسمع كتير و بيبقي زي كلام رايح جاي في الموضوع بتاع الكورس. ارشح الكورس لأي حد طبعاً، وانا اصلا مرشحه الكورس لكذا حد.

اكتر حاجة عجبتني بجد ان في فرصة كبيرة ان الشخص يتكلم، دي اكتر حاجة مميزة بالنسبة لي. الكورس ساعدني ان المستوي يتحسن بالالتزام بالاستماع والتاسكات، وكمان جزء المسلسل ده حلو جدا. وانا برشح الكورس لناس كتير وعملت كده بالفعل مع صحابي. وحاجه على المستوي الشخصي ان حضرتك بتدي طاقة إيجابية وبتدي فرصة تسمعنا، وشكرا لمجهودك معانا بجد.

اولا الكورس فاق توقعاتي والحمد لله. ثانياً اخلاقك العالية وادارتك للمحاضرة واهتمامك بالإستماع وتحسينه اكتر حاجه عجبتني. ثالثا مهاره الاستماع والاهتمام بيها والممارسة والتاسكات ساعدتني كتير كتير، ودي اكتر ميزة مكنتش بلاقيها في الكورسات اللي اخدتها قبل كده. وانا بالفعل رشحت الكورس لاكتر من حد.

الكورس صراحة جميل جدا، انت شخصية ماشاء الله عليك والله شاطر جدا و مذاكر كويس جدا، الكورس منظم و محدد الهدف من كل مرحلة. الكورس شجعني اسمع روسي كتير و حسنت الاكسنت و دا من اول لفيفل بس! صراحة فكرة تقديم الكورس و الماتريال مختلفة تمام عن اي كورس تاني و اي مكان تاني، وديه اكتر حاجة شايفها مميزة في الكورس. اكيد طبعا ارشح الكورس لاي حد حابب يتقن التحدث بالروسية.

بصراحه كورس جميل جدا و اكتر حاجه عجبتني فيه الماده دسمه و كافيه أنها تغطى اى موضوع نتكلم فيه بكلمات جديده، و أننا بناخد وقتنا في الكلام و الممارسه الفعليه. طبعا ارشح الكورس جدا لاى حد بيفكر يمارس اللغة الروسيه، و شكرا لحضرتك و مجهودك الرائع.

تجربتي كانت كويسة جدا وفادتني كتير. اكتر حاجة عجبتني تنوع المواضيع عن المعتاد وفيه وفرة كبيرة اوى في المصطلحات واللغويات المستخدمة في اللغة الحية عكس الدارج في الكورسات. والكورس فادني انه خلاني اتكلم في مواضيع جديدة واستخدم افعال جديدة. اه طبعا اشرح الكورس لأي حد وبالفعل عملت دا. ياصديقي ربنا ينفع بيك دايما يارب 💚

اهلا بيك مستر مصطفى، النظام عموما كله حلو و مفيد جدا و انا فعلا استفدت جدا من الكورس، حاسة اني بقدر اتكلم احسن و بفهم كويس و بسمع احسن من زمان برضو الحمد لله. اكتر حاجة مميزة وفادتني في الكورس هي طريقة سماع الاوديو و الترديد بعده. لو حد محتاج كورس روسي اكيد و من غير تردد حرشح الكورس ده ليه.

الكورس جميل اوي وفكرته حلوة انه يعتمد على الاستماع الكتير واننا في المحاضرة نتكلم كتير، ومن اول مستوى استفدت كتير جدا وبإذن الله مكمله لحد ما اوصل للي انا عايزاه. واكيد طبعا هرشح الكورس لانه انا واحدة من الناس اللي جربت كورسات كتير ومستفدتش الاستفادة اللي شوفتها هنا. حقيقي ربنا يوفقكم ويباركلكم، شكرا ليكم جدا ❤️

شكرا، ان شاء الله تكونوا انتوا كمان بخير. اكتر حاجه عجبتني محاضرة مناقشة اللي خدناه، ساعدني ان يبقا عندي مواضيع وكلمات كتير في دماغي من الريكوردات والاسئلة. ايوه ارشحه جدا.

اكتر حاجة عجبتني في الكورس المواضيع المختلفة اللي بناخدها واننا بنتناقش في الموضوع ده في المحاضرة من غير ما نحضر قبلها. والكورس ساعدني احسن الروسي بتاعي عن طريق الاستماع واننا بنتكلم وبنتناقش، والنصايح اللي كانت على مدار الكورس ازاي نتطور وازاي نتعلم ونذاكر صح. واكيد ارشح جداً الكورس لأي حد تايه ومحتاج حاجة ترشده. الكورس كان مفيد فعلاً وخلاني اركز علي حاجات مكنتش واخدة بالي منها.

فيه حاجات كتيرة حلوة، زي ان المدرس كان دايما بيشجعنا اننا منخفش ونحاول نتكلم حتي لو هنغلط وده خلي عندنا ثقة. الكورس ساعدني في اني اتغلب علي حتة الخوف اللي عندي في اني اتكلم بالروسي وساعدني في اني اوظف اللغة والمعلومات اللي عندي وامارسها. لو حد بنفس تجربتي عنده رهبة في انه يتكلم باللغة فهرشحله الكورس ده بنسبة كبيرة.

انا تمام الحمد لله يا مصطفى يارب تكون بخير. الكورس جميل طبعا وبجد انتم شاطرين، وحقيقي فعلا التكنيك حلو اوي، انا استفدت اني رجعت اتحمس تاني اني اتكلم روسي، وحقيقي اتبسطت في المحاضرات وماكنتوش بتستخسروا فينا الوقت ولا المجهود ولا المعلومة، بالعكس دايما مهتمين ومشجعين. فرحت جدا بالتجربة معاكم 🙏

يعني هو بصراحة الكورس تحفة واداني ثقة في اني اتكلم، والمدرس مييتأخرش ولا بيبخل ع حد بمعلومة، والمواضيع اللي بنتكلم فيها هنحتاجها في اي حياة عموما لما نتكلم مع حد روسي.