دليل دراسة الجرامر الروسي خطوة بخطوة
خطة مذاكرة الجرامر الروسي وتجنب الأخطاء فيه أثناء الكلام
نظرة سريعة على الخطوات الأربعة
عشان نفهم الجرامر الروسي، لازم نعرف إنه شبه الجرامر في العربي من ناحية الإعراب، يعني الكلمة والأفعال بيتغير نهاياتها حسب السياق والفاعل وعوامل تانية كتير
اللي محتاجه عشان تتقن الجرامر
عشان إنت تتقن التغييرات في النهايات دي أثناء الكلام، إنت محتاج:
- ١تذاكر نهايات الحالات كويس أوي، وتبقى عارف تصرف كل الكلمات في أي حالة
- ٢تبدأ تحل تدريبات من الكتاب ولكن تحل وإنت بتنطق بصوتك كإنك بتتكلم مع حد
لما تبدأ تتدرب على ٢٠٠ جملة على حالة الإضافة بصوتك، هتلاقيك إنك بدأ لسانك يتعود على نهاية حالة الإضافة وبدأت تفتكرها أسرع أثناء الكلام
ولما تجمع ما بين كذا حالة مع بعض برضو بنفس الطريقة، هتلاقي إنك بدأت تفرق ما بين الحالات وتفهم إمتى تقول النهاية بتاعة كل حالة
الموضوع بس محتاج شوية تدريب ومش هيجي معاك بين يوم وليلة، ولكن أنا جربته مع كذا حد ونجحت جداً الطريقة دي
ملحوظة مهمة
لو إنت لسة مبتدئ في اللغة وبتتعلمها برا الكلية، الأفضل إنك تبدأ تذاكر الجرامر بالطريقة دي من الأول خالص ولكن بتأني وبهدوء وبدون تسرع أو استعجال، اللي درس روسي ف الكلية ممكن يخلص الحالات كلها في شهر، لكن اللي بيدرس برا الكلية وبالذات في الأول ممكن يحتاج عالأقل شهر أو أكتر عشان يتقن كل حالة
الخطة اللي هتمشي عليها
طيب الخطة اللي هتمشي عليها إيه؟
الخطوة الأولى
تختار الحالة الإعرابية اللي هتبدأ تذاكرها
واحنا بنقترح الترتيب التالي:
- ١- الحالة الاسمية
- ٢- تصريفات الافعال
- ٣- حالة المجرور
- ٤- حالة المقصود
- ٥- حالة المجرور
- ٦- حالة الالية
- ٧- حالة الاضافة
الخطوة الثانية
تذاكر نهاية الحالة دي كويس جداً وتصريف كل الأسماء بتاعتها سواء من فيديوهات عاليوتيوب اللي أنا هرشحهالك أو من كتب، المهم أي مصدر يخليك تعرف تتقن تصريف النهايات مع الحالات
تقدر تشوف فيديوهات شرح دكتور هبة الايبياري للجرامر كاملاً من اللينك دا وارشحها بشدة
الخطوة الثالثة
تبدأ تحل وتطبق بشكل صوتي من كتاب وأنا بفضل كتاب Russian Exercises عشان شامل وكمان جربته بنفسي وكذا حد جربه
طيب هنعملها ازاي؟
اسمع الريكورد دا كدا
وركز في الصورة دي وانت بتسمع الريكورد
الخطوة الرابعة
تبدأ تحل على كذا حالة في نفس الوقت، وكل ما تزود حالة جديدة تجمع معاها باقي الحالات عشان تعود نفسك تفرق ما بينهم أثناء الكلام، ومتنساش إن أهم حاجة إنك تحل التدريبات دي بصوتك مش ب ورقة وقلم بس أو بعينك، لا لازم تنطق الجمل كاملة كإنك بتتكلم بيها مع حد، لإنك هتلاقي نفسك في وقتك ما محتاج تتكلم بيها مع حد
كتاب التدريبات (Russian Exercises) - حمّله من هنا
drive.google.com/file/d/1-UUlPmO5UQtw6IkHvBc7UeWE4Xn196cQ
💡 Bonus: إنت كمان تقدر تعمل ده مع تصريفات الأفعال، هتلاقي نفسك بدأت تتقن تصريفات الأفعال ف الروسي وتتكلم بيها صح
جربو الطريقة دي وإن شاء الله مش هتغلطو في الجرامر تاني أثناء الكلام!
ملخص سريع للخطة
اختيار الحالة الاعرابية اللي عاوز تتقنها
اختار الحالة الإعرابية اللي هتبدأ تذاكرها
مذاكرة النهايات الخاصة بالحالة دي
ذاكر تصريف النهايات من فيديوهات د. هبة أو كتب
حل تدريبات بصوتك
طبق من كتاب Russian Exercises بصوت عالي
التدرب على جميع الحالات معاً
اخلط الحالات في التدريبات عشان تفرق بينهم