اتكلم روسي صح و بثقةحتى وإنت لسه بتبدأ

عايز اقولك ماشاء الله عليك يا دكتور، خلال شهر بس قدرت اقرا واكتب روسي ودا بالنسبالي كان كويس جدا بالنسبه لشخص ميعرفش اي شيء عن اللغه الروسيه. ف الاول أنا كنت خايف بسبب أن الكورس online، بس حضرتك بتدي كل واحد مساحته ف أنه يقول ويقرأ ويغلط مره واتنين وتلاته وانت تصلحله.

لسه مخلص المحاضره اللي فاتت وبسمع الريكوردز كلها، الصراحه احسن خطوه خدتها عشان اظبط اللغه عندي و القراءه ظبطت معايا خالص. انا اللي متشكر ليك جدا، مع اني محضرتش من الاول لو كنت حضرت من الاول كنت استفدت اكتر جدا، بس من المستويات الجايه انا هبقا موجود من الاول وانا متفائل جدا اني هكون متقن للروسي مع حضرتك. اكتر حاجه عجبتني في الكورس الاريحيه ف التعامل والاتقان اللغوي اللي عند حضرتك في اللغه زي الناس الناتيڤ. الكورس ساعدني اكيد كتير اني انطق صح، اقرا بسرعه، اتحسن في الترجمه، اتعلم ازاي اكتب واسمع روسي من حد روسي كانه واحد عربي زي، و انا بالفعل رشحت الكورس لزمايلي.

اكتر حاجه عجبتني في الكورس التفاعل وحرص حضرتك أن كل واحد ياخد فرصته كامله في التفاعل. الكورس طبعا ساعدني لإن دي أول مرة أدرس اللغه الروسية فا الحمد لله أنا حاليا بقدر أقرأ الروسي وبتحسن فيه يوم عن يوم. أكتر حاجه مميزه أن حضرتك بتوجهني إزاي اتعلم مش محتوى وخلاص، وبتعلمنا ازاي نعتمد على نفسنا في تحسين الروسي ودي حاجه كويسه جدا ربنا يجازيك خير عليها. أنا فعلا رشحت الكورس لزميل ليا.

اكتر حاجة عجباني هي متابعة حضرتك معانا وتفاهمك بجهلنا في اللغه وانك بتساعدنا أن احنا نكون كويسين في اللغه. اسباب كتير منها ان الكورس رجعلي الامل اني اتعلم اللغه وارجع ازاكرها من جديد. اكتر حاجة مميزة في الكورس هي المناقشه والقرأة وطريقة الشرح كويسه جدا والعدد القليل في الجروب. واكيد ارشح لكل زمايلي اللي محتاجين يتعلموا اللغه الروسيه للسفر أو الدراسه او الشغل، يرقوا من أنفسهم باللغات.

بصراحة اكتر حاجة عجبتني الماتريال وطريقة الشرح المبسطة ده اولاً. ثانياً ساعدني جداً في القراءة والتفرقة بين حاجات يامه كنت بتلغبط فيها. ثالثاً المميز في الكورس انكم بتصبروا علينا كتير وبتحاولوا تعيدوا كل مرة وتراجعوا علشان يفضل في استمرارية وثبات للمعلومة، وكمان اننا كلنا بنقرأ وبنسمع من بعض كذا مرة. واكيد ارشحه لي زمايلي كلهم لاني واثق انهم هيستفادوا.

عجبني جداً في الكورس اصرارك يا مصطفي انت وإسلام انكم تعلمونا وتوصلنا للمعلومة مهما خد وقت. و الكورس مفيد جدا للمبتدئين، خلاني من شخص يدوبك عارف الحروف لأني بعرف اقرا جمل وقطع قصيرة، + كثرة التدريب علي النطق بعد شرح القاعدة اللغوية علطول. اكيد لو حد حابب يتعلم روسي اعتقد ان الكورس خط بداية ممتاز له.

شكرا جزيلا يا مصطفى علي مجهودك معانا، الصراحة الكورس كان مفيد جدا وممتع في نفس الوقت. التحدث في مجموعات كل محاضرة كان اجمل حاجه بالنسبة ليا وتصحيحك للأخطاء كان مفيد جدا، غير ربط المذاكرة بالإستماع للبودكاست والفرجة علي المسلسلات خلي الموضوع مش ممل خالص. فشكرا جدا بجد علي الكورس الجامد ده واتمني لك التوفيق في الجاي يا رب.

الكورس بالنسبالي كان ممتاز و كان فيه اللي انا محتاجاه و هو اني اتكلم و أفكر بالروسي، وانت ساعدتنا في ده جدا خصوصا لما كنت بتسألنا اسئلة ايه رايك و تفضل ورانا لحد ما نقول اجابة طويله مش مجرد да/нет، وكمان فكرة اننا كنا بنتناقش و نجاوب على بعض سوا كجروب بالروسي وكل واحد يقول رأيه دي ساعدتنا كلنا ف اننا نشغل تفكيرنا بالروسي. وكمان كان حلو ان المحاضرة كان أغلبها روسي مفيش كلام عربي كتير، اكتسبنا تركيبات و كلمات كتير جديدة سوا.

الكورس حلو جدا، احسن حاجه انه بيساعدنا ان احنا نرتجل والحوار ده فرق معايا جامد لما كنت في الكورس، وفكرة برده ان احنا بنشوف مسلسلات دي فرقت معانا في الاكسنت وان احنا نسمع كتير، فالحوار بجد لطيف اوي 🩷

الكورس مفيد جدا بالنسبالي من الناحية العلمية و العملية. من حيث الناحية العلمية فاحنا بندرس مصطلحات و تراكيب جديدة مستخدمة باكتر من طريقة، و الاهم من الناحية العملية لأن الكورس معتمد بشكل كبير جدا على الممارسة و المحاكاة عن طريق المسلسلات أو البودكاست و التحليل، فبيساعد جدا في كسر حاجز الكلام عندنا، و بوجود مصطفى بيصلحلنا الغلطات اللي ممكن نعملها بيخلينا نتكلم بحرية بدون خوف.

والله أنا شايفة الكورس كويس جداً، و المستوى الأول ده حسيته شامل موضوعات الحياة عامة و تقسيمة المحاضرات كويسة برده، مليانة أفعال جديدة وجمل وتعبيرات ينفع نستخدمها في أكتر من موضوع.

مش عارفه اقولك الكورس مفيد قد ايه بجد، اول مره اكون هحضر سيشن روسي ومحسش ايه الملل ده، وفكره اننا بجد بنحاول نتكلم من اول يوم مش بنحفظ وخلاص دي حلوه جدا. ماشاء الله بتوصل المعلومه بطريقه بسيطه ومش معقده خالص ❤️

هاي يا مصطفي، حابه اديك فيدباك سريع كده عن الكورس. بجد انا خدت كورسات في كذا مكان ومع روس كمان بس محستش بستفادة وتحسن زي لما اخدت معاك واتعلمت حاجات كتير، بجد كل سيشن بنطلع منها بحاجات جديدة كتير 🥰 Keep up the great work

بالنسبة لي الكورس تميزه الرئيسي وتكمن أهميته في أنه بيعرفك وبيفتح مخك على أساليب وطرق تسهل عليك باقي المشوار في مسيرتك اثناء تعلم اللغة، ومع مرور الوقت فعلا بتحس بالتطور والتقدم والثقة في النفس. كورس ممتاز مع شخص حقيقي سلس وجميل ♥️

الكورس حقيقي كان مفيد جدا خاصه واحنا بنحاول نتكلم، أنا حرفيا كنت بطلق العنان للساني وبلاقي كلام مش دايما ببقي جاهز، بس الكلمات والمواضيع كانت مفيدة وبيشيل حتة رهبة الكلام حتى لو في أخطاء، والموضوع بيبقي روتين ومفيد بجد ♥️

اكيد طبعا بصراحة كان لذيذ جدا وكله كلمات جديدة، وفكره ان انت مجمع كل حاجة بتخص موضوع واحد دي سوا كانت حلوه اوي، وفعلا فرق معايا كتير جدا، الحاجات اللي انت طلبت نلخصها كتير في اني بقيت محتكه باللغه اكتر و بفهم اسرع.

اكتر حاجه عجبتني انك بتخلينا نتكلم ونحاول نعبر حتي او مش عارفين، وبتبذل جهد فعلا معانا في المحتوي مش تأدية واجب. بالكلام خلال المحاضره بقيت بعرف اتكلم واعبر اكتر، المشاركه هي اكتر حاجة مميزة في الكورس. واه طبعا ارشحله لأي حد.

كل حاجة كانت perfect ماشاء الله بجد، بس أكتر حاجة ان حضرتك كنت مستحملنا ومستحمل مستوانا وبجد كنت صبور جدا جدا. الكورس ساعدني جدا، كنت بقف كتير في كلمات ومبعرفش اكمل الجملة، دلوقتي بقيت قادرة اظبط الجملة والكلمات. أكتر حاجة فادتني ان حضرتك كنت مُصر نتكلم وننطق حتى لو غلط، والـ listening كمان فادني جدا. اه طبعا ارشحه جدا، وهكمل باقي الـ levels ان شاء الله.

شكرا ليك انت والله يادوك. المتاريل بتاع حضرتك جميل جدا كان لامم كل حاجة تخص الموضوع اللي بنتكلم فيه. وساعدني في موضوع الثقه في الكلام بذات قدام الناس. والمتابعة بتاعة حضرتك معانا حتى لو في موضوع ميخصش السيشن لكن في اللغة عموما.

اكتر حاجة عجبتني بجد ان في فرصة كبيرة ان الشخص يتكلم، دي اكتر حاجة مميزة بالنسبة لي. الكورس ساعدني ان المستوي يتحسن بالالتزام بالاستماع والتاسكات، وكمان جزء المسلسل ده حلو جدا. وانا برشح الكورس لناس كتير وعملت كده بالفعل مع صحابي. وحاجه على المستوي الشخصي ان حضرتك بتدي طاقة إيجابية وبتدي فرصة تسمعنا، وشكرا لمجهودك معانا بجد.

الكورس صراحة جميل جدا، انت شخصية ماشاء الله عليك والله شاطر جدا و مذاكر كويس جدا، الكورس منظم و محدد الهدف من كل مرحلة. الكورس شجعني اسمع روسي كتير و حسنت الاكسنت و دا من اول لفيفل بس! صراحة فكرة تقديم الكورس و الماتريال مختلفة تمام عن اي كورس تاني و اي مكان تاني، وديه اكتر حاجة شايفها مميزة في الكورس. اكيد طبعا ارشح الكورس لاي حد حابب يتقن التحدث بالروسية.

تجربتي كانت كويسة جدا وفادتني كتير. اكتر حاجة عجبتني تنوع المواضيع عن المعتاد وفيه وفرة كبيرة اوى في المصطلحات واللغويات المستخدمة في اللغة الحية عكس الدارج في الكورسات. والكورس فادني انه خلاني اتكلم في مواضيع جديدة واستخدم افعال جديدة. اه طبعا اشرح الكورس لأي حد وبالفعل عملت دا. ياصديقي ربنا ينفع بيك دايما يارب 💚

الكورس جميل اوي وفكرته حلوة انه يعتمد على الاستماع الكتير واننا في المحاضرة نتكلم كتير، ومن اول مستوى استفدت كتير جدا وبإذن الله مكمله لحد ما اوصل للي انا عايزاه. واكيد طبعا هرشح الكورس لانه انا واحدة من الناس اللي جربت كورسات كتير ومستفدتش الاستفادة اللي شوفتها هنا. حقيقي ربنا يوفقكم ويباركلكم، شكرا ليكم جدا ❤️

اكتر حاجة عجبتني في الكورس المواضيع المختلفة اللي بناخدها واننا بنتناقش في الموضوع ده في المحاضرة من غير ما نحضر قبلها. والكورس ساعدني احسن الروسي بتاعي عن طريق الاستماع واننا بنتكلم وبنتناقش، والنصايح اللي كانت على مدار الكورس ازاي نتطور وازاي نتعلم ونذاكر صح. واكيد ارشح جداً الكورس لأي حد تايه ومحتاج حاجة ترشده. الكورس كان مفيد فعلاً وخلاني اركز علي حاجات مكنتش واخدة بالي منها.

انا تمام الحمد لله يا مصطفى يارب تكون بخير. الكورس جميل طبعا وبجد انتم شاطرين، وحقيقي فعلا التكنيك حلو اوي، انا استفدت اني رجعت اتحمس تاني اني اتكلم روسي، وحقيقي اتبسطت في المحاضرات وماكنتوش بتستخسروا فينا الوقت ولا المجهود ولا المعلومة، بالعكس دايما مهتمين ومشجعين. فرحت جدا بالتجربة معاكم 🙏

الكورس كويس بجد و فيه مميزات مش في اماكن كتير، يعني تنوع في المواضيع، و حسيته انه بيخلي اليوم بتاعي مزحوم بالروسي، و بجد تجربه لطيفه ❤️

عايز اقولك ماشاء الله عليك يا دكتور، خلال شهر بس قدرت اقرا واكتب روسي ودا بالنسبالي كان كويس جدا بالنسبه لشخص ميعرفش اي شيء عن اللغه الروسيه. ف الاول أنا كنت خايف بسبب أن الكورس online، بس حضرتك بتدي كل واحد مساحته ف أنه يقول ويقرأ ويغلط مره واتنين وتلاته وانت تصلحله.

لسه مخلص المحاضره اللي فاتت وبسمع الريكوردز كلها، الصراحه احسن خطوه خدتها عشان اظبط اللغه عندي و القراءه ظبطت معايا خالص. انا اللي متشكر ليك جدا، مع اني محضرتش من الاول لو كنت حضرت من الاول كنت استفدت اكتر جدا، بس من المستويات الجايه انا هبقا موجود من الاول وانا متفائل جدا اني هكون متقن للروسي مع حضرتك. اكتر حاجه عجبتني في الكورس الاريحيه ف التعامل والاتقان اللغوي اللي عند حضرتك في اللغه زي الناس الناتيڤ. الكورس ساعدني اكيد كتير اني انطق صح، اقرا بسرعه، اتحسن في الترجمه، اتعلم ازاي اكتب واسمع روسي من حد روسي كانه واحد عربي زي، و انا بالفعل رشحت الكورس لزمايلي.

اكتر حاجه عجبتني في الكورس التفاعل وحرص حضرتك أن كل واحد ياخد فرصته كامله في التفاعل. الكورس طبعا ساعدني لإن دي أول مرة أدرس اللغه الروسية فا الحمد لله أنا حاليا بقدر أقرأ الروسي وبتحسن فيه يوم عن يوم. أكتر حاجه مميزه أن حضرتك بتوجهني إزاي اتعلم مش محتوى وخلاص، وبتعلمنا ازاي نعتمد على نفسنا في تحسين الروسي ودي حاجه كويسه جدا ربنا يجازيك خير عليها. أنا فعلا رشحت الكورس لزميل ليا.

اكتر حاجة عجباني هي متابعة حضرتك معانا وتفاهمك بجهلنا في اللغه وانك بتساعدنا أن احنا نكون كويسين في اللغه. اسباب كتير منها ان الكورس رجعلي الامل اني اتعلم اللغه وارجع ازاكرها من جديد. اكتر حاجة مميزة في الكورس هي المناقشه والقرأة وطريقة الشرح كويسه جدا والعدد القليل في الجروب. واكيد ارشح لكل زمايلي اللي محتاجين يتعلموا اللغه الروسيه للسفر أو الدراسه او الشغل، يرقوا من أنفسهم باللغات.

بصراحة اكتر حاجة عجبتني الماتريال وطريقة الشرح المبسطة ده اولاً. ثانياً ساعدني جداً في القراءة والتفرقة بين حاجات يامه كنت بتلغبط فيها. ثالثاً المميز في الكورس انكم بتصبروا علينا كتير وبتحاولوا تعيدوا كل مرة وتراجعوا علشان يفضل في استمرارية وثبات للمعلومة، وكمان اننا كلنا بنقرأ وبنسمع من بعض كذا مرة. واكيد ارشحه لي زمايلي كلهم لاني واثق انهم هيستفادوا.

عجبني جداً في الكورس اصرارك يا مصطفي انت وإسلام انكم تعلمونا وتوصلنا للمعلومة مهما خد وقت. و الكورس مفيد جدا للمبتدئين، خلاني من شخص يدوبك عارف الحروف لأني بعرف اقرا جمل وقطع قصيرة، + كثرة التدريب علي النطق بعد شرح القاعدة اللغوية علطول. اكيد لو حد حابب يتعلم روسي اعتقد ان الكورس خط بداية ممتاز له.

شكرا جزيلا يا مصطفى علي مجهودك معانا، الصراحة الكورس كان مفيد جدا وممتع في نفس الوقت. التحدث في مجموعات كل محاضرة كان اجمل حاجه بالنسبة ليا وتصحيحك للأخطاء كان مفيد جدا، غير ربط المذاكرة بالإستماع للبودكاست والفرجة علي المسلسلات خلي الموضوع مش ممل خالص. فشكرا جدا بجد علي الكورس الجامد ده واتمني لك التوفيق في الجاي يا رب.

الكورس بالنسبالي كان ممتاز و كان فيه اللي انا محتاجاه و هو اني اتكلم و أفكر بالروسي، وانت ساعدتنا في ده جدا خصوصا لما كنت بتسألنا اسئلة ايه رايك و تفضل ورانا لحد ما نقول اجابة طويله مش مجرد да/нет، وكمان فكرة اننا كنا بنتناقش و نجاوب على بعض سوا كجروب بالروسي وكل واحد يقول رأيه دي ساعدتنا كلنا ف اننا نشغل تفكيرنا بالروسي. وكمان كان حلو ان المحاضرة كان أغلبها روسي مفيش كلام عربي كتير، اكتسبنا تركيبات و كلمات كتير جديدة سوا.

الكورس حلو جدا، احسن حاجه انه بيساعدنا ان احنا نرتجل والحوار ده فرق معايا جامد لما كنت في الكورس، وفكرة برده ان احنا بنشوف مسلسلات دي فرقت معانا في الاكسنت وان احنا نسمع كتير، فالحوار بجد لطيف اوي 🩷

الكورس مفيد جدا بالنسبالي من الناحية العلمية و العملية. من حيث الناحية العلمية فاحنا بندرس مصطلحات و تراكيب جديدة مستخدمة باكتر من طريقة، و الاهم من الناحية العملية لأن الكورس معتمد بشكل كبير جدا على الممارسة و المحاكاة عن طريق المسلسلات أو البودكاست و التحليل، فبيساعد جدا في كسر حاجز الكلام عندنا، و بوجود مصطفى بيصلحلنا الغلطات اللي ممكن نعملها بيخلينا نتكلم بحرية بدون خوف.

والله أنا شايفة الكورس كويس جداً، و المستوى الأول ده حسيته شامل موضوعات الحياة عامة و تقسيمة المحاضرات كويسة برده، مليانة أفعال جديدة وجمل وتعبيرات ينفع نستخدمها في أكتر من موضوع.

مش عارفه اقولك الكورس مفيد قد ايه بجد، اول مره اكون هحضر سيشن روسي ومحسش ايه الملل ده، وفكره اننا بجد بنحاول نتكلم من اول يوم مش بنحفظ وخلاص دي حلوه جدا. ماشاء الله بتوصل المعلومه بطريقه بسيطه ومش معقده خالص ❤️

هاي يا مصطفي، حابه اديك فيدباك سريع كده عن الكورس. بجد انا خدت كورسات في كذا مكان ومع روس كمان بس محستش بستفادة وتحسن زي لما اخدت معاك واتعلمت حاجات كتير، بجد كل سيشن بنطلع منها بحاجات جديدة كتير 🥰 Keep up the great work

بالنسبة لي الكورس تميزه الرئيسي وتكمن أهميته في أنه بيعرفك وبيفتح مخك على أساليب وطرق تسهل عليك باقي المشوار في مسيرتك اثناء تعلم اللغة، ومع مرور الوقت فعلا بتحس بالتطور والتقدم والثقة في النفس. كورس ممتاز مع شخص حقيقي سلس وجميل ♥️

الكورس حقيقي كان مفيد جدا خاصه واحنا بنحاول نتكلم، أنا حرفيا كنت بطلق العنان للساني وبلاقي كلام مش دايما ببقي جاهز، بس الكلمات والمواضيع كانت مفيدة وبيشيل حتة رهبة الكلام حتى لو في أخطاء، والموضوع بيبقي روتين ومفيد بجد ♥️

اكيد طبعا بصراحة كان لذيذ جدا وكله كلمات جديدة، وفكره ان انت مجمع كل حاجة بتخص موضوع واحد دي سوا كانت حلوه اوي، وفعلا فرق معايا كتير جدا، الحاجات اللي انت طلبت نلخصها كتير في اني بقيت محتكه باللغه اكتر و بفهم اسرع.

اكتر حاجه عجبتني انك بتخلينا نتكلم ونحاول نعبر حتي او مش عارفين، وبتبذل جهد فعلا معانا في المحتوي مش تأدية واجب. بالكلام خلال المحاضره بقيت بعرف اتكلم واعبر اكتر، المشاركه هي اكتر حاجة مميزة في الكورس. واه طبعا ارشحله لأي حد.

كل حاجة كانت perfect ماشاء الله بجد، بس أكتر حاجة ان حضرتك كنت مستحملنا ومستحمل مستوانا وبجد كنت صبور جدا جدا. الكورس ساعدني جدا، كنت بقف كتير في كلمات ومبعرفش اكمل الجملة، دلوقتي بقيت قادرة اظبط الجملة والكلمات. أكتر حاجة فادتني ان حضرتك كنت مُصر نتكلم وننطق حتى لو غلط، والـ listening كمان فادني جدا. اه طبعا ارشحه جدا، وهكمل باقي الـ levels ان شاء الله.

شكرا ليك انت والله يادوك. المتاريل بتاع حضرتك جميل جدا كان لامم كل حاجة تخص الموضوع اللي بنتكلم فيه. وساعدني في موضوع الثقه في الكلام بذات قدام الناس. والمتابعة بتاعة حضرتك معانا حتى لو في موضوع ميخصش السيشن لكن في اللغة عموما.

اكتر حاجة عجبتني بجد ان في فرصة كبيرة ان الشخص يتكلم، دي اكتر حاجة مميزة بالنسبة لي. الكورس ساعدني ان المستوي يتحسن بالالتزام بالاستماع والتاسكات، وكمان جزء المسلسل ده حلو جدا. وانا برشح الكورس لناس كتير وعملت كده بالفعل مع صحابي. وحاجه على المستوي الشخصي ان حضرتك بتدي طاقة إيجابية وبتدي فرصة تسمعنا، وشكرا لمجهودك معانا بجد.

الكورس صراحة جميل جدا، انت شخصية ماشاء الله عليك والله شاطر جدا و مذاكر كويس جدا، الكورس منظم و محدد الهدف من كل مرحلة. الكورس شجعني اسمع روسي كتير و حسنت الاكسنت و دا من اول لفيفل بس! صراحة فكرة تقديم الكورس و الماتريال مختلفة تمام عن اي كورس تاني و اي مكان تاني، وديه اكتر حاجة شايفها مميزة في الكورس. اكيد طبعا ارشح الكورس لاي حد حابب يتقن التحدث بالروسية.

تجربتي كانت كويسة جدا وفادتني كتير. اكتر حاجة عجبتني تنوع المواضيع عن المعتاد وفيه وفرة كبيرة اوى في المصطلحات واللغويات المستخدمة في اللغة الحية عكس الدارج في الكورسات. والكورس فادني انه خلاني اتكلم في مواضيع جديدة واستخدم افعال جديدة. اه طبعا اشرح الكورس لأي حد وبالفعل عملت دا. ياصديقي ربنا ينفع بيك دايما يارب 💚

الكورس جميل اوي وفكرته حلوة انه يعتمد على الاستماع الكتير واننا في المحاضرة نتكلم كتير، ومن اول مستوى استفدت كتير جدا وبإذن الله مكمله لحد ما اوصل للي انا عايزاه. واكيد طبعا هرشح الكورس لانه انا واحدة من الناس اللي جربت كورسات كتير ومستفدتش الاستفادة اللي شوفتها هنا. حقيقي ربنا يوفقكم ويباركلكم، شكرا ليكم جدا ❤️

اكتر حاجة عجبتني في الكورس المواضيع المختلفة اللي بناخدها واننا بنتناقش في الموضوع ده في المحاضرة من غير ما نحضر قبلها. والكورس ساعدني احسن الروسي بتاعي عن طريق الاستماع واننا بنتكلم وبنتناقش، والنصايح اللي كانت على مدار الكورس ازاي نتطور وازاي نتعلم ونذاكر صح. واكيد ارشح جداً الكورس لأي حد تايه ومحتاج حاجة ترشده. الكورس كان مفيد فعلاً وخلاني اركز علي حاجات مكنتش واخدة بالي منها.

انا تمام الحمد لله يا مصطفى يارب تكون بخير. الكورس جميل طبعا وبجد انتم شاطرين، وحقيقي فعلا التكنيك حلو اوي، انا استفدت اني رجعت اتحمس تاني اني اتكلم روسي، وحقيقي اتبسطت في المحاضرات وماكنتوش بتستخسروا فينا الوقت ولا المجهود ولا المعلومة، بالعكس دايما مهتمين ومشجعين. فرحت جدا بالتجربة معاكم 🙏

الكورس كويس بجد و فيه مميزات مش في اماكن كتير، يعني تنوع في المواضيع، و حسيته انه بيخلي اليوم بتاعي مزحوم بالروسي، و بجد تجربه لطيفه ❤️